Definizioa

Ezinduentzako aparkatzeko txartela lanabes eraginkorra da pertsona horiek gizarteratzen eta laneratzen laguntzeko; izan ere, txartel horrek lekuan bertan ematen die laguntza mugitzeko arazo larriak izan, eta garraiobide publikoak erabiltzeko mugatuta daudelako, gizarteko espazio komunetara joateko eta zerbitzu komunak eskuratzeko ibilgailu partikularrak erabili behar dituztenei. Horrela, txartelaren erabiltzaileek aparkatzeko erraztasunak izaten dituzte gehien behar dituzten lekuetan.

Txartela baliozkoa izango da berariaz adierazitako lekuetan aparkatzeko, baita aparkatzea debekatuta dagoen lekuetan ere, ezinbesteko denboran, eta salbuespen batzuekin.

Txartela bost urtean behin berritu beharko da titularraren bizitokiko udaletxean.