Definizioa

Tele-alarma zerbitzuaren egiteko nagusia bakarrik bizi diren pertsonei edo askotan bakarrik egoten direnei segurtasuna ematea da; betiere, adina dela-eta, edo beren buruaz baliatzeko zailtasuna dela-eta arriskuan egon badaitezke. Zerbitzu honen bidez, pertsona horiek beren gizarte eta familia inguruan bizitzen segitzea errazten da, egoitzetara joatea eragotziz edota hori gertatzea atzeratuz.

Erabiltzaileek zerbitzuaren finantzaketan parte hartzen dute, dituzten diru sarreren neurrian.

Zerbitzu horren bitartez eta tele-alarmako aparatuari esker, erabiltzaileak Eusko Jaurlaritzako SOS Deiak zerbitzuarekin zuzenean komunikaturik daude eguneko 24 orduetan, eta larrialdietako zerbitzu horrek atenditzen ditu sortzen zaizkien premiazko egoeretan.