KONTZEPTUA

Aldizkako mugaeguna duten ordainagiriak edozein finantza erakundetan helbideratzeko aukera izango da. Helbideratzea aldizkako mugaeguna duten ordainagiri baterako, batzuetarako edo guztietarako agin daiteke. Ordainagiri guztiak helbideratzea agintzen bada, agindu hori helbideratze orokortzat hartuko da.

Borondatez ordaintzeko epea bukatzen den egunean zordunduko dira ordainagiriak helbideratutako kontuan. Egun hori jaieguna bada, hurrengo lanegunean egingo da helbideratzea.

Saldo nahikoa ez dela eta, finantza erakundeak Itzuli egiten badu aurkeztutako ordainagiriren bat, Udalak ohar bat bidaliko du, posta arruntez, ordaintzeko obligazioa duen pertsonaren helbide fiskalera. Ohar horretan, ordaintzeko obligazioaz ohartaraziko dio zordunari, eta ordainketa egiteko 10 eguneko epea emango dio.

"Zumaiako Udalaren Ordenantza, Zergak eta Zuzenbide Publikoaren Araberako Bestelako Sarrerak Biltzeari buruzkoa" (2000-12-27ko GAO, 244 zenbakia).