KULTUR ELKARTE eta TALDEAK 2007

Udal Kultur Batzordearen babesean herrian ekimenak burutzen dituzten hainbat talde:

BALEIKE KULTUR ELKARTEA: Juan belmonte 29 behea. Herri aldizkaria eta kultur ekimenak.
NATUR TALDEA - Alondegia eraikuntza. Erribera kalea. Ekimen nagusiak: Aste Mikologikoa, Natur Irteerak, Aste Berdea, Ingurumen Batzordearekin lankidetza.
OSTARRENA ZINEFORUM - Foronda kultur etxea. Urtero zinema zikloak.
BERTSO ESKOLA - Foronda kultur etxean. Haurrentzat bertso ikastaroak eta Bertso Txapelketa eta Jaialdiak.
UCC: Unión Cultural de Comunicaciones. Irratizaletasuna eta Scalextric.
TXINPARTA EUSKARA TALDEA - Alondegia aretoa. Haurrentzat tailerrak, ikastaroak,...
TXEPETXA ELKARTEA - Gabonetako ekitaldiak: Jaiotza eta Errege Zamalkada.
JAKINTZA KULTUR ELKARTEA - Elkartetxea. Ekimen nagusia: San Telmotako Haurren Tanborrada.
ERKIBE KULTUR ELKARTEA - Batzokia. Ekimen nagusiak: Gabonetako Abesbatza Lehiaketa, Euskal Jaietako talo-festa, ikerketa lan eta argitalpenak.
INFERNUPE KULTUR ELKARTEA- Erribera kalea.Hitzaldi eta ekitaldiak.
AUZOETAKO FESTEN ANTOLATZAILEAK: Oikia, Narrondo, Artadi eta Estazioko jaien batzordeak.

Dirulaguntzak:

1. Taldeek bete beharreko baldintzak:
   - Irekiak izatea: edozein herritarrei zabalik.
   - Elkarte gisa osatuta egotea: estatutuak, arduraduna, helbidea, etab.
   - Agirietan, iragarkietan, eta abarretan udalaren laguntza jaso izana adieraztea.
   - Laguntzak eskatzeko beharrezkoak diren moduak eta epeak betetzea, eta dagozkion
     likidazioak aurkeztea.
   - Udal Kultura Batzordeak hala eskatuz gero, bestelako ekimenetan lankidetza eskaintzea.

2. Bi diru laguntza mota:
Bi diru laguntza mota onartuko dira, bata, berariaz, ekipamendurako, eta bestea, jarduerak egiteko. Biak era honetara zehaztuko dira:

EKIPAMENDURAKO DIRU LAGUNTZAK:
   - Taldeek azpiegitura edo ekipamendua osatzeko xedea izango du dirulaguntza honek.
   - Diru laguntza eskaeran, erosi behar denaren premia eta nondik norakoak arrazoituko dira, eta
     Kultura Batzordearen esku izango da horiek onartzea.
   - Aurrekontua erdibana osatuko dute, Kultura Batzordeak batetik, eta taldeek bestetik. Emango
     diren diru laguntzen muga honakoa izango da: diru laguntzak emateko onartutako aurrekontu
     partidak eta epearen barruan aurkeztutako eskaerek ezarritakoa.

JARDUERETARAKO DIRU LAGUNTZAK:
Bi motatakoak izan daitezke:
   - Urteko jarduerak: urte osoko jardueraren berri eman beharko da eskaeran, aurrekontua
     barne. Diru laguntzaren zenbatekoa Kultura Batzordeak erabakiko du, proposamenaren
     interesaren, taldeak izandako defizitaren eta horien antzeko irizpideen arabera.Taldeek
    hilabeteko epea izango dute, ekitaldi bakoitza amaitu ondoren, dagokion memoria aurkezteko.
   - Jarduera zehatzak: topaketak, eta abar. Proposamen zehatzak aurkeztuko dira. Batzordeak
     horiek aztertu eta diru laguntzaren zenbatekoa erabakiko du. Taldeak jarduera egin eta
     ondorengo hilabetearen epean aurkeztu beharko ditu memoria eta likidazioa.

3. Diru laguntza eskaerak eta horiek aurkezteko epeak:
   - Ekipamendurako diru laguntzak: abenduaren 4a baino lehen.
   - Urte osorako diru laguntza: otsaila bukatu baino lehen.
   - Jarduera zehatzak: jarduera egin baino, gutxienez, hilabete lehenago aurkeztu beharko da
     eskaera osoa (asmoa, datak, beharrak, aurrekontu zehatza, etab.).

4. Ordainketak:
   - Laguntza erabakitzean, %60.
   - Gainontzekoa memoria, likidazioa eta eskatutako beste agiri guztiak epearen barruan
     aurkeztean ordainduko da.

MAKETAK EGITEKO DIRU LAGUNTZAK:
Urtean zehar, Zumaiako musika talderen batek maketaren bat grabatu baldin badu, diru laguntza jasotzeko aukera izango du. Diru laguntza hori urteko aurrekontuetatik aterako da. Horretarako, 2.000 eurotako partida bat egokituko da.
Diru kopuru hori jasotzen diren eskaeren artean banatuko da, eta, musika talde bakoitzak, gehienez, grabaketa kostuaren %30 jaso ahal izango du. Diru laguntza jasotzeko aurkeztu behar diren agiriak:
   . Taldearen izena.
   . Taldekideen datuak (izen-abizenak).
   . Taldeko ordezkariaren datuak.
   . Maketaren kopia bat.
   . Grabaketaren ordainagiria.
Eskaerak Forondan aurkeztu beharko dira urtero onartzen den epea baino lehen.

2008ko enplegu lan eskaintza. Zenbait plaza betetzeko deialdiak eta oinarriak.

HERRI KONTUAK 2009

2008ko Ekitaldiko Aurrekontua

Aurrekontuak - Inbertsioen eranskina

Zumaiako Oikia eta Ardantzabide-Oikiako Babes Ofizialeko Etxebizitzen sustapeneko zozketako zerrendak, 2008-06-19ko notario aurreko zozketan osatuak, Babes Ofizialeko Etxebizitzen esleipena egiteko ordena ezartzeko.